نەخشەی داخستنی شەقامەکەی سلێمانی.وێنە.هاتوچۆ
شەقامی شوقەکانی دەروازە
لە ئەم ئێوارەوە بەشێکی شەقامێکی سلێمانی دادەخرێت
964+
توانا نەقی
هاتوچۆی سلێمانی ئاگاداری شۆفێران دەکاتەوە لە ئێوارەی ئەمڕۆوە بەشێکی شەقامێکی سلێمانی دادەخرێت کە دەکەوێتە نزیک شوقەکانی دەروازە.
ئەمڕۆ یەکشەممە، هاتوچۆی سلێمانی بڵاویکردەوە، ئاگاداری شۆفێران دەکەنەوە لە کاتژێر 6:00ـی ئێوارەی ئەمڕۆ 29.9.2024 شەقامی شوقەکانی دەروازە دادەخرێت.
دەشڵێت، داخستنەکە لە یوتێرنی یەکەمی ئەو شەقامە تاوەکو بەردەم پارێزگا بە ئاراستەی داخڵبوونی شەقامە سەرەکییەکە دەبێت.
هۆکاری داخستنی ئەو بەشەی شەقامەکە هەڵکەندن و چاککردنی ئەو رێگایەیە و شۆفێران دەتوانن رێگا جێگرەوەکان بەکاربهێنن.
