بە درەخت دروستیان کردووە
شەقامە تونێلیەکانی کەلارت بینیوە؟
964+
میلاد جەلال – گەرمیان
کاتێک دەچیتە کەلار، بەناو رێڕەوێکى تونێلیندا دەڕۆیت کە درەختەکان لەسەر رێڕەوى چوار شەقامى سەرەکى شارەکە دروستیان کردووە و سیمایەکى جوانیان بە شارەکە بەخشیتووە.
دارەکان لە هەردولاى شەقامەکەوە بەرەو یەکترى هاتوون و تونێلێکى سەوزیان دروستکردووە و سێبەریان بەسەر شەقامەکەدا کێشاوە.
لە کەلار چوار شەقامى سەرەکى بەم شێوەیەن، کە هەر شەقامێکى نزیکەى 500 دارێکى جۆرى ئەلبیزیاى تێدایە و چوار وەرزى ساڵ سەوزن.
میوانان و هاوڵاتیان کاتێک بە ژێر درەختەکانى ئەو شەقامەدا دەڕۆن، ڤیدیۆى دیمەنى جوانى شوێنەکە دەکەن و ئەو کەسانەشى میوانن سەرسام دەبن بەو جوانییە.
پێداچوونەوە: وریا فەتاح
