دیمەنێکی پارکی قەڵای شێروانە کە فێستڤاڵەکەی لێ بەڕێوەدەچێت... وێنە؛ سۆشیاڵ میدیای گەرمیان.
80 خاوه‌ن پیشه به‌شدارى ده‌كه‌ن
له سبه‌ینێوه تاوه‌كو 6 رۆژ گه‌رمیان خه‌ریكی فێستڤاڵى پاییزه‌ى كه‌لار ده‌بێت
964+
فه‌رهاد حه‌سه‌ن
بڕیاره سبه‌ینێ شەممە یه‌كه‌مین فێستڤاڵى پاییزه‌ى كه‌لار به‌ڕێوه‌بچێت و سه‌رپه‌رشتیارى فێستڤاڵه‌كه‌ش ده‌ڵێت تاوه‌كو ئێستا 80 خاوه‌ن پیشه ناویان تۆكاركردووه بۆ به‌شداریكردن.
فێستڤاڵه‌كه له كاتژمێر 10:00ـی سه‌رله‌بەیانی لە پارکی قەڵای شێروانە به‌ڕێوه‌ده‌چێت.
رامیار ئازاد، سه‌رپه‌رشتیاری فێستڤاڵه‌كه به 964ـى وت، ئه‌وه ده‌بێته یه‌كه‌مین فێستڤاڵى پاییزه كه له كه‌لار به‌ڕێوه ده‌چێت و ماوه‌كه‌شی شه‌ش رۆژ ده‌خایه‌نێت.
وتیشی “ئه‌وانه‌ى تاوه‌كو ئێستا ناویان تۆماركردووه بۆ به‌شداریكردن 80 خاوه‌ن پیشه‌ن و ئه‌گه‌ر هه‌یه تاوه‌كو سبه‌ینێ ئه‌م ژماره‌یه زیادبكات”.
ئاماژه‌ى به‌وه‌شكرد، له فێستڤاڵه‌كه‌دا به‌رهه‌مه‌كانى كارى ده‌ستى و شیره‌مه‌نى و پیشه جۆراوجۆره‌كانى دیكه نمایش ده‌كرێن.
