ساتی دەستبەسەرداگرتنی قارچکەکە. فۆتۆ: قایمقامیەتی رانیە
رێکەوتی سبەینێی لەسەرە
لە رانیە 70 کیلۆ قارچک کە رێکەوتی ساختەی لەسەربووە دەستیبەسەردا گیرا
964+
ژووری هەواڵ
لە بازاڕی میوەفرۆشانی رانیە دەستگیرا بەسەر 70 کیلۆ قارچکدا، سەرۆکی لیژنەکانی قایمقامیەتی رانیەش دەڵێت، قارچکەکە لە هەولێر بەرهەمهاتووە و فێڵ لە رێکەوتی بەرهەمهێنانەکەیدا کراوە.
ئەمڕۆ چوارشەممە 18.9.2024، کارزان سلێمان، لێپرسراوی لیژنە هاوبەشەکانی قایمقامیەتی قەزای رانیە بە 964ـی وت، دەستیانگرتووە بەسەر 70 کیلۆ قارچکدا کە رێکەوتی بەرهەمهێنانی سبەینێی لەسەرە لەکاتێکدا سبەینێ نەهاتووە.
وتیشی قارچکەکە لەجۆری قارچکی سپی کارگەی Riolـە کە لە هەولێر بەرهەمدێت و سەرچاوەکەی گوماناویە.
بە وتەی لێپرسراوی لیژنە هاوبەشەکانی قایمقامیەتی قەزای رانیە، بەگوێرەی ستانداردی عێراقی لەو رۆژەی کە قارچک لێدەکرێتەوە، لەدوای هەفتەیەک بەسەردەچێت و شیاو خواردن نامێنێت.
