ئەو مادە هۆشبەرانەی کە دەستیان بەسەردا گیراوە لە بازگەی هیران. فۆتۆ: بەڕێوەبەرایەتی نەهێشتنی مادە هۆشبەرەکان
"کریستاڵیان پێبووە"
لە بازگەی هیران دوو کەس بە 78 کیلۆ مادەی هۆشبەرەوە دەستگیر کران
964+
ژووری هەواڵ
بەڕێوەبەرایەتی نەهێشتنی مادە هۆشبەرەکان دەستگیر کردنی دوو کەسی بە تۆمەتی بازرگانیکردن بە مادەی هۆشبەر رایگەیاند و دەڵێت، ویستیویانە کریستاڵ بۆ هەولێر و دهۆک بگوازنەوە.
ئەمڕۆ یەکشەممە 15.9.2024، بەڕێوەبەرایەتی نەهێشتنی مادە هۆشبەرەکان رایگەیاند، لە بازگەی هیران لە سنووری پارێزگای هەولێر، دوو بازرگانی مادەی هۆشبەر دەستگیر کران کە 78 کیلۆ مادەی هۆشبەریان پێبووە.
تۆمەتبارەکان لە رۆژانی سێشەممە و چوارشەممەی هەفتەی رابردوو دەستگیر کراون و یەکێکیان بڕی 73 کیلۆ مادەی هۆشبەری لەجۆری کریستاڵ لەنێو بارهەڵگرێک شاردووەتەوە ئەوەی دووەمیشیان پێنج کیلۆ کریستاڵی پێبووە.
“[دەستگیر کراوەکان] بەنیاز بوون ئەم دوو بڕە مادە هۆشبەرە بۆ شاری هەولێر و دهۆک بگوازنەوە”، بەڕێوەبەرایەتی نەهێشتنی مادە هۆشبەرەکان وا دەڵێت.
لە دادگا دۆسیە بۆ تاوانەکە کراوەتەوە و بەپێی یاسای بەرەنگاربوونەوەی مادە هۆشبەرەکان و کارتێکەرە ئەقڵیەکان دادگاییدەکرێن.
