دیمەنێك لە قیرتاوكردنی گوندی گوندی کەلەکین. فۆتۆ: راگەیاندنی پارێزگای هەولێر
لە گوندێكی شاوێس
ئاوەڕۆ دروست كرا و چەند شەقامێك قیرتاو و کۆنکرێت كران
964+
ئەرسەلان عەبدوڵا
پارێزگاری هەولێر رایگەیاند، لەسەر بودجەی پەرەپێدانی پارێزگا، ئاوەڕۆ لە گوندێكی كۆمەڵگەی شاوێس لە هەولێر دروست كرا و چەند شەقامێكیش قیرتاو و كۆنكرێت كران.
ئومێد خۆشناو ئەمڕۆ یەكشەممە 18.8.2024 بە 964ی راگەیاند، بە 520 ملیۆن دینار لەسەر بودجەی پەرەپێدانی پارێزگای هەولێر، جگە لە دروستكردنی ئاوەڕۆ، چەند شەقامێكی گوندی کەلەکینی سەر بە کۆمەڵگەی شاوەیسی سنووری پارێزگای هەولێر قیر و كۆنكریت كران.
وتیشی، وردەكاریی پڕۆژەكە بریتییە لە دروستکردنی ئاوەڕۆ لە گوندی کەلەکین و کۆنکرێتکردن و دروستکردنی ئاوەڕۆ و قیرتاوکردنی چەند شەقامێک بە رووبەری 3300 مەتر دووجا”.
