عەلوەی سلێمانی لە بارەی کڕینی سەوزەوە ئاگادار کراوەتەوە
تەندروستی سلێمانی: هیچ حاڵەتێکی کۆلێرا لە سلێمانی تۆمار نەکراوە
964+
دیلان محەمەد جەزا
خۆپاراستنی تەندروستی سلێمانی دووپاتی ده‌كاته‌وه كه تاوه‌كو ئێستا هیچ حاڵه‌تێكی تووشبون به كۆلێران له سنووره‌كه‌یان تۆمار نه‌كراوه، ئاگاداری هاوڵاتیانیش دەکاتەوە كه ئاوی بیر و چەمەکان نەخۆنەوە بۆئه‌وه‌ى بەدووربن لە سکچون و رشانەوە و کۆلێرا.
د. رزگار عەلی بەرێوەبەری خۆپاراستنی تەندروستی سلێمانی بە 964 وت، لە کاتی وەرزی گەرما حاڵەتەکانی سکچون و ڕشانەوە زیاد دەکەن و ئامادەکاری تەواو کراوە و ئاگاداری هاوڵاتیان دەکەن جگە لە ئاوی بوتڵکراو و ئاوی ماڵەوە ئاوی دیکە نەخۆنەوە.
وتیشی “عەلوەی سلێمانی ئاگادار کراوەتەوە نابێت ئەو سەوزانە بکرن کە بە ئاوی پیس ئاو دەدرێن”.
باسی لەوەشکرد، رۆژانه‌ش له پرۆژەکانی نیشتەجێبوون نمونە لە ئاوەکانیان وەردەگیرێت و پشكنینى بۆ ده‌كه‌ن.
پێداچوونەوە؛ فەرهاد حەسەن
