كه‌مبونه‌وه‌ى نه‌وتى كۆگاكراوى ئه‌مریكا نرخى نه‌وتى به‌رزكرده‌وه‌

964+

فه‌رهاد حه‌سه‌ن

به‌هۆى كه‌مبوونه‌وه‌ى نه‌وت له‌ كۆگاكانى ئه‌مریكا، ئه‌مڕۆ چوارشه‌ممه‌ نرخى نه‌وت له‌ بازاڕه‌كاندا به‌رزبووه‌وه‌ له‌كاتێكدا ماوه‌ى سێ رۆژ بوو لە دابەزین دابوو.

نرخی نەوتی برێنت 37 سەنت بەرزبووەوە و بە 81 دۆلار و 38 سەنت مامەڵەی پێوەکرا. هاوکات نرخی نەوتی سووکی تێکساسی ئەمریکا 38 سەنت بەرزبووەوە و بە 77 دۆلار و 34 سەنت مامەڵەی پێوەکرا.

نەوتی برێنتی دەریای باکوور لە ماوەی سێ رۆژی رابردوودا بە رێژەی 5٪ بەهای خۆی لەدەستداوە و هەر لەو ماوەیەدا، نەوتی سوکی تێکساسی ئەمریکاش بە رێژەی 7٪ دابەزینی بەخۆیەوە بینیوە.

بەپێی راپۆرتى پەیمانگەی نەوتی ئەمریکا، هەفتەی رابردوو قەبارەی نەوتی کۆگاکراو لەو وڵاته‌ سێ ملیۆن و 900 هەزار بەرمیل کەمیکردووە. هاوکات قەبارەی بەنزینی کۆگاکراویش 2.8 ملیۆن بەرمیل کەمیکردووە لە هەمان ماوەدا.