"ناچار نه‌بین ده‌ست له كێوییه‌كان ناده‌ین"
له بارزان بێچووه بزنێكی كێوی به دایكى شاد كرایه‌وه
964+
فه‌رهاد حه‌سه‌ن
له سنوورى بارزان، له‌لایه‌ن ژینگه‌پارێزانه‌وه بێچووه بزنێكی كێوی به دایكی شاد كرایه‌وه كه دواى له‌دایكبوونى لێ دابڕابوو.
به‌پێی گرته ڤیدیۆیه‌ك كه ده‌ست 964 كه‌وتووه، ده‌رده‌كه‌وێت بێچووه‌كه له‌ناو ده‌ست و باوه‌شی یه‌كێك له ژینگه‌پارێزانه و دواى هه‌وڵێك بێچووه‌كه به‌ره‌و سه‌ر به‌رزاییه‌ك به‌ره‌ڵلا ده‌كه‌ن و وه‌ك كارمه‌نده‌كانیش له ڤیدیۆكه ده‌نگیان دێت، ده‌ڵێن به دایكی شادبووه‌وه.
ملازم سدیق حه‌سه‌ن، به‌رپرسی راگه‌یاندنى به‌تالیۆنى ژینگه‌پارێزى بارزان به 964ـى راگه‌یاند، ئاشناكردنه‌وه‌ى ئه‌م بێچووه بزنه له سنوورى گوندى نزاره بووه و له‌لایه‌ن كارمه‌ندێكی ئه‌وانه‌وه به‌چكه‌كه به‌دایكی شادكراوه‌ته‌وه.
وتیشی “چوار كاتژمێربوو به‌چكه‌كه له‌دایك بوبوو به‌ڵام به‌هۆى هه‌وراز و نشێوى شوێنه‌كه دایكی به‌ره‌و سه‌ر چیاكه رۆیشتبوو و بێچووه‌كه‌ش به‌جێمابوو”.
ئاماژه‌ى به‌وه‌شكرد، به‌پێی رێنماییه‌كانیان ئه‌گه‌ر زۆر ناچار نه‌بن ده‌ست له ئاژه‌ڵ و باڵنده كێویه‌كان ناده‌ن، چونكه مه‌ترسی دروستبوون و نه‌خۆشی لێده‌كرێت و زۆرجاران كێویه‌كان به ده‌ست لێدانى مرۆڤ ماڵى ده‌بن.
روونیكرده‌وه، ئه‌وان له به‌تالیۆنه‌كه‌یان تیمێكی تایبه‌تى چاودێری كردنى سروشتیان هه‌یه و ئه‌و بێچووه‌ش له‌لای ئه‌م تیمه‌وه دۆزرابووه‌وه.
ژینگه‌دۆست
ده‌مێك بوو به‌خێو ده‌كران
له بنارى چیاى هه‌ندرێن 6 رێوی ئازاد كران
چه‌ند هه‌فته‌یه‌كه ئاماده‌كارییان بۆ كردووه
پڕۆژه‌ى (چاندنى توێ من) 1000 دار توو له چۆمان ده‌چێنێت
تانكى به‌نزین ته‌قییه‌وه