بەنداوی قلیاسانیش دروست دەکرێت
ئامادەکاری دەکرێت بۆ دروستکردنی پڕۆژەی گەشتیاری لە سەرچنار
964+
دیلان محەمەد – سلێمانی
وەبەرهێنانی سلێمانی ئەمساڵ چاوی لە گەشەپێدانی کەرتی گەشتوگوزارە لە شارەکەدا و لە پڕۆژەیدایە بەنداوێک لەسەر چەمی قلیاسان دروست بکات.
عەزیز محەمەد بەڕێوەبەری وەبەرهێنانی سلێمانی بە 964ـی وت، ئەمساڵ گرنگی بە بواری گەشتوگوزار دەدەن و پێشەنگی کارەکانیان دەبێت، فەرمانگە پەیوەندیدارەکان راسپێردراون ئامادەکاری بکەن بۆ کۆمەڵێک پڕۆژەی گرنگ.
باسی لەوەکرد، کار دەکەن لەسەر زیاتر لە پێنج پڕۆژە، کە دەکەوێتە لای سەرچنار تا دەگاتە لای گەڕەکی عەواڵ و چەند جێگایەکی دیکەش لە پلاندایە کاری بۆ بکرێت.
ئەوەی خستەڕوو، ئەو پڕۆژانە لە کاتی خۆیدا رادەگەیەندرێت و لە چوارچێوەی ئەو کارانەشدا دروستکردنی بەنداوێکە لەسەر چەمی قلیاسان.
پێداچوونەوە: توانا نەقی
