بەشێك لە پارەی موچە نێردرا و یەکشەممە دابەش دەکرێت

964+

توانا نەقی

بەشێک لە تەمویلی موچەی مانگی شەشی موچەخۆرانی هەرێم لەلایەن بەغداوە خرایە سەر هەژماری بانکی وەزارەتی دارایی هەرێم.

وەزارەتی دارایی بڵاوی کردەوە، کەمێک پێش ئێستا بڕێ 231 ملیار و 605 ملیۆن و 531 هەزار دینار وەک تەمویلی موچەی مانگی شەش خراوەتەوە هەژماری وەزارەتی دارایی.

ئەو بڕە بۆ موچەی کەسوکاری شەهیدان و ئەنفالکراوان و زیندانیانی سیاسی و خاوەن پێداویستیە تایبەتەکان و خانەنشینانی شارستانی و سەربازی خرایە سەر هەژماری بانکی وەزارەتی دارایی و ئابوری لە لقی هەولێری بانکی ناوەندی عێراق.

رۆژی یەکشەممە 7.7.2024 دەست بەدابەشکردنی مووچەی سەرجەم ئەو توێژانە دەکرێت کەلەسەرەوە ئاماژە بەناوەکانیان دراوە.

لیستی موچەی مانگی حوزەیران رادەستی بەغدا كرا