هەدروەنە درونە
هونەرە میللییەكانی هەولێر لە چیك شایی و هەڵپەڕكێیان پێشكەش كرد
964+
ئەرسەلان عەبدوڵا
تیپی هونەرە میللییەكانی هەولێر لە كۆماری چیك بەشداریی فێستیڤاڵێكی كولتووری و هونەرییان كردووە و نمایشی خۆیان پێشكەش كرد.
هاوژین سەردار راهێنەر و ئەندامی تیپەكە لە پەیوەندییەكی تەلەفۆنیدا لە كۆماری چیكەوە ئەمڕۆ یەكشەممە بە 964ی وت، تیپەكەیان لە فێستیڤاڵێكی كولتووری و هونەریی گەلان لە كۆماری چیك نمایشی خۆی كرد و چەند تابلۆیەكی هونەری و شایی و هەڵپەڕكێی كوردی پێشكەش كرد.
لە فێستیڤاڵەكەدا نزیكەی 80 تیپی هونەری لە وڵاتانی جیاجیاوە بە چەندین نمایش و تابلۆی هونەری لە سەما و هەڵپەڕكێ، بەشداریی فێستیڤاڵەكەیان كردووە.
تیپی هونەری هەولێر سەر بە بەڕێوەبەرایەتیی رۆشنبیری و هونەریی هەولێرە و لە ساڵانی رابردووش بەشداریی چەندان فێستیڤاڵ و چالاكیی هونەرییان لە وڵاتانی دەرەوە كردووە.