راوچیەک بە کەلوپەلەکانیەوە دەستگیر کرا

964+

توانا نەقی

لەلایەن مەفرەزەکانی پۆلیسی دارستانی راپەڕینەوە راوچیەکی ماسی بە سەرجەم ئەو کەلوپەلانەی بۆ راوکردن پێی بووە دەستگیر کرا.

ئەمڕۆ دووشەممە، پۆلیسی دارستان و ژینگەی راپەڕین بڵاویکردەوە، لەلایەن مەفرەزەکانی بنکەی ئیسێوە ئەو راوچیە لە سەر زێی بچووک لە سنووری سندۆڵان دەستگیر کراوە.

دەشڵێت، جگە لە کەسەکە خۆی دەستیانگرتووە بەسەر دوو تۆڕ ساچمە و چوار ماسی و ماسیەکان بە بڕیاری دادوەر بە شێوەی موزایەدە فرۆشراون.

ئێستا پەڕاوی لێکۆڵینەوە بۆ ئەو راوچیە کراوەتەوە و لێپرسینەوە یاسایی لەگەڵ دەکرێت.

دوو راوچی ماسی و بەلەمەکەیان دوای ئەوەی ویستیان هەڵبێن دەستگیر کران