قایمقامی هەولێر بۆ 964
بەهۆی ئاگرەکەی بازاڕی قەیسەری 372 دوکان بە تەواوی سووتاون
964+
شۆڕش عەبدوڵا
بەهۆی ئاگرەکەی دوێنێ شەوی بازاڕی قەیسەری هەولێر 372 دوکان بە تەواوی سووتاون و قایمقامی هەولێریش دەڵێت، لیژنەیان پێکهێناوە بۆ زانینی زیانەکان و لێکۆڵینەوە لە هۆکاری کەوتنەوەی ئاگرەکە.
نەبەز عەبدولحەمید قایمقامی هەولێر بە 964ـی وت، بازاڕی قەیسەری هەولێر زیاترە لە چوار هەزار دوکان و 372 دوکان بە تەواوی سووتاون.
وتیشی، هەر شەو لیژنەیان پێکهێناوە لە پارێزگاو بەرگری شارستانی و تیمی وەڵامدانەوەی خێراو هێزە ئەمنییەکان بۆ لێکۆڵینەوە لە هۆکاری کەوتنەوەی ئاگرەکە و زانینی قەبارەی زیانەکان.
داڕشتنەوە: توانا نەقی
