لە ناحیەی مانگێش
هەورە بروسکە 25 سەر مەڕی مردار کردەوە
964+
زەید کۆچەر – دهۆک
ئێوارەی ئەمڕۆ چوارشەممە لە گوندی ئۆزمانا سەر بە ناحییەی مانگێشی پارێزگای دهۆک هەورە بروسکەیەک لە رانەمەڕێکی داوە و بە قسەی بەڕێوەبەری ناحییەکە بێت، 25ـیانی مردار کردووەتەوە.
بریندار حەیدەر، بەڕێوەبەری ناحییەی مانگێش بە 964ـی وت، “رووداوەکە ئێوارەی ئەمڕۆ بووە و ئەو شوانەی لەگەڵ رانەمەڕەکە بووە سەلامەتە”.
وتیشی، “سبەینێ لیژنەیەکی دروستدەکەین و بەدواداچوون بۆ رانەمەڕەکە دەکەین، ئاخۆ زیانەکان چەندن و بە دروستی چەند سەر مەڕ مرداربوونەتەوە و زیان بە چەندی دیکە گەیشتووە”.
بەپێی زانیارییەکانی بەڕێوەبەری ناحییەی مانگێش، ئەوەی تا ئێستا ساغ بووەتەوە 25 سەر مەڕ بەهۆی رووداوەکەوە مردار بوونەتەوە.
پێداچوونەوە: پێشەوا محەمەد
