دیمەنی ئەو ئۆتۆمبێلەی کە دەستی بەسەردا گیراوە لەکاتی فڕێدانی کاغەز و کلێنس لەسەر شەقام.وێنە.هاتوچۆی هەولێر
لە هەولێر
ئۆتۆمبێلێک بە هۆکاری پیسکردنی ژینگە دەستی بەسەردا گیرا
964+
توانا نەقی
ئۆتۆمبێلێک بەهۆکاری ئەوەی کاغەز و کلێنسی لە شەقام بڵاودەکردەوە دەستی بەسەردا گیرا.
ئەمشەو دووشەممە، هاتوچۆی هەولێر بڵاویکردەوە، دوای ئەوەی چەند رۆژێک لەمەوبەر گرتەیەکی ڤیدیۆیی لەسوشیاڵ میدیا بڵاوبووە کە ئۆتۆمێلێک بەشێوەیەکی ناشارستانی لەکاتی رۆیشتن کاغەز و کلێنکسی فڕیدەدایە سەرشەقام ئێستا دەستی بەسەردا گیراوە.
دەشڵێت، ،ئەمڕۆ لەلایەن تیمەکانی هاتوچۆ دەستی بەسەرداگیرا، ئێستا لەگۆڕەپانی دەست بەسەرداگرتنی هاتووچۆی هەولێر راگیراوە و ڕێکاری یاسایی بەرامبەر گیراوەتەبەر.
