قەزای رانیە - وێنە: 964
کارتی بانکی بەناوی خەڵکەوە دەرکردووە
بە تۆمەتی فێڵکردن کەسێک لە راپەڕین دەستگیرکرا
964+
توانا نەقی
پۆلیسی راپەڕین کەسێکیان بە تۆمەتی فێڵکردن و دروستکردنی کارتی بانکی بەناوی کەسی ترەوە دەستگیرکردووە.
ئەمڕۆ سێشەممە، پۆلیسی راپەڕین بڵاویکردەوە، تۆمەتبارێک بەفێڵی هاوکاریکردن و کاری خێرخوازی پێناسی لە چەند هاوڵاتییەک وەرگرتووە.
دەشڵیت، دواتر تۆمەتبارەکە بە پێناسی ئەو هاوڵاتیانە کارتی بانکی دەرکردووە و بەکاری هێناوە بۆ بازرگانیکردن و وەرگرتنی دۆلار لە بانکەکان.
پۆلیس ئاماژەی بەوەشکردووە، توانراوە لە ماوەیەکی کەمدا تۆمەتبار (ی، ع، ا) لە رەگەزی نێر دەستگیر بکەن و بە پێی مادەی 456 لە یاسای سزادانی عێراقی لێکۆڵینەوە لەگەڵی بەردەوامە و دانی بە تاوانەکەیدا ناوە.
