پیاوێکی 40 ساڵە گیانیلەدەستدا

964+
زەید کۆچەر-دهۆک

کەمێک لەمەوبەر لە کۆمەڵگای کواشێی سەر بە قەزای سێمێل رووداوێکی هاتوچۆ لەنێوان بارهەڵگرێک و ئۆتۆمبێلێکی تایبەت روویدا و کەسێک گیانى له‌ده‌ستدا..

رووداوەکە لەناو پیشەسازی کواشێ دا روویداوە  و دووەمین رووداوی هاتوچۆیە ئەمرۆ لە سنووری قەزای سێمێل روویدابێت.

موقەدەم بەدرخان کۆچەر، بەرێوەبەری هاتۆچۆی سێمێل بە 964ی وت، رووداوەکە لەنێوان بارهەڵگرێکی جۆری تانکەر و ئۆتۆمبێلێکی تایبەتی جۆری لێکزس بووە و بەهۆیەوە شۆفێری لێکزسەکە گیانی لەدەستداوە.

وتیشی، ئەوەی گیانی لەدەستداوە پیاوێکی تەمەن 40ساڵە و خەڵکی قەزای سێمێلە و بەتەنیا لەنێو ئۆتۆمبێلەکەدا بووە، تەرمەکەی نێردراوە بۆ پزیشکی داد.

پێداچوونەوە: بەهرە محەمەدئەمین