دەڵێن: بایکۆت بەردەوامە
مامۆستاکان رێگەی شارەزوور بۆ سلێمانیان داخست
964+
بڕوا مەجید – شارەزوور
پەیامنێری 964 لە شارەزوور رایگەیاند، بەشێک لە مامۆستایانی ناڕازی ئەمڕۆ یەکشەممە بەردەوامیان بە بایکۆت داوە و خۆپیشاندانیان دەستپێکردووەتەوە.
سەرەتا مامۆستاکان لە بەردەم پەروەردەی شارەزوور بوون، دواتر بەپێ بەڕێکەوتوون بۆ دووسایدی رێگەی نێوان شارەزوور بۆ سلێمانی، و سایدی چوونیان داخستووە.
عەلی ئەحمەد، مامۆستای ناڕازی بە 964ی وت، چوار مانگە ئێمە خۆپیشاندان دەکەین و نارەزایەتی دەردەبڕین، بەڵام حکومەتی هەرێمی کوردستان وەڵامای داواکانمانی نەداوەتەوە، ئەمەش وایکردووە ئێمە سورتر بین لەسەر داواکانمان.
ژمارەیەک لە قوتابیان و کەسوکاریان بەشدارییان لە خۆپیشاندانەکەدا کردووە، بەوتەی ئەو مامۆستایە بێت، ئەم پەیامێکە تا جاریکی تر بایکۆتی خوێندن دووبارە نەبێتەوە لە ساڵانی داهاتوو، وە داوای مامۆستاکان جێبەجێ بکرێن.
دارشتنەوەی: ئەحمەد مستەفا
