ساتى کوژانەوەی ئاگرەکە وێنە: لاپەڕەى بەرگرى شارستانى رانیە لە فەیسبووک.
چێشتخانەى ماڵەکە بە تەواوى سووتا
هیتەرى کارەبایى زیانى 5 ملیۆن دینارى لە ماڵێکدا
964+
وریا فەتاح
بەرەبەیانى ئەمڕۆ، ماڵى هاوڵاتییەکى ناحیەى چوارقوڕنە بەهۆى شۆرت لە هیتەرى کارەبایى ئاگرى گرت و زیانێکى زۆرى مادى لێکەوتەوە.
عەلى قادر، وتەبێژى بەرگرى شارستانى راپەڕین بە 964ى وت، “کاتژمێر (6:20) خولەکى بەیانى تیمەکانمان ئاگادارکراونەتەوە لە کەوتنەوەى ئاگر لە ناو ماڵى هاوڵاتییەکى ناحیەى چوارقوڕنە، بەڵام بەر لەو کاتە ئاگرەکە کەوتووەتەوە و ئەندامانى خێزانەکە لە ژورەکانى دیکە خەوتوون و دواتر پێیان زانیوە”.
ئاگرەکە لە چێشتخانەى ماڵەکە دروستبووە، بەوتەى عەلى قادر، هیتەرى کارەبایى هۆکارى ئاگرەکە بووە و چێشتخانەى ماڵەکە بەتەواوى سووتاوە.
“هەرچەندە بە زوویى تیمەکانى بەرگرى شارستانى گەیشتونەتە شوێنەکە و ئاگرەکەیان کۆنتڕۆڵکردووە، بەڵام زیانەکان بە پێنج ملیۆن دینار خەمڵێنراون”.
