کارمەندانی شارەوانی سلێمانی لە کاتی بەردانی ئاوەڕۆی گەڕەکێکدا - وێنە: شارەوانی سلێمانی.
لەهەر کۆڵانێکی سلێمانی
ئەگەر ئاوەڕۆکەتان گیرا پەیوەندیی بە ژمارە 100ـەوە بکەن
964+
پێشەوا محەمەد
شارەوانی سلێمانی ژمارە 100ـی تایبەت کردووە بە تیمی ئاوەڕۆی ماڵان، لە هەر کۆڵانێک ئاوەڕۆ کێشەی هەبوو پەیوەندی بکەن و ئەوەی دیکەی بۆ شارەوانی لێگەڕێن.
بەوتەی بەرپرسێکی شارەوانی سلێمانی، گیرانی ئاوەڕۆکان زۆربوون و هۆکارەکەشی فڕێدانی هەموو جۆرە کەلوپەلێکە بۆ ناو مەنهۆڵەکان و بەشێکیشی پەیوەندی بە گردبوونەوەی قوڕ و لیتەوە هەیە لەناویاندا.
“ئەو ژمارەیە هاوکاریی هاوڵاتیان دەکات تا بە زووترین کات دەستیان بە تیمەکانی شارەوانی بگات و کێشەی ئاوەڕۆکانیان بۆ چارەسەر بکەن”، ئەوە قسەی ئاکۆ عەلی، جێگری سەرۆکی شارەوانی سلێمانییە بۆ 964.
دەشڵێت، بە گشتی ئاوەڕۆکانی سلێمانی لە رووی قەبارە و کوالێتی دروستکردنیانەوە باش ماونەتەوە و بەردەوامیش ئاوەڕۆ بۆ ئەو گەڕانە دروست دەکرێت کە نوێن یان تا ئێستا ئاوەڕۆیان بۆ نەکراوە.
شاری سلێمانی نزیکەی 200 گەڕەکی هەیە.
