وێنەی خانمە چینیەکە پێش و دوای نەشتەرگەریەکە. وێنە:the sun
دایکی دوو منداڵە
نەشتەرگەرییەکی دەگمەن ئەم خانمەی راستەڕێ کرد
964+
موحسین عومەر
ژنێکی چینی تەمەن 37 ساڵان، کە ماوەی 26 ساڵە بە کێشەیەکەوە دەناڵێنێت، ئەویش بریتی بوو لەوەی سەری بە پلەی 180 چەمابووەوە و هەرگیز نەیدەتوانی پێشی خۆی ببینێت، بەڵکو سەری رووی لە دواوە بوو.
ژیان بۆ ئەو خانمە زۆر سەخت بووە، چونکە ئەو دایکی دوو منداڵە و جگە لە خۆی ئەرکی بەخێوکردنی ئەوانیشی لەسەرە، بۆیە چارەسەری کێشەکەی بە نەشتەرگەرییەکی دەگمەن و پەرجۆ (موعجیزە) ناودەبرێت.
دوای چەند نەشتەرگەرییەکی گەورە پزیشکەکان توانییان دووبارە ئەو خانمە راستەڕێ بکەنەوە و سەری بگەڕێننەوە شوێنی خۆی، بەمەش هەم جەستەی رێک بووەوە، هەم باڵای لە 120سم بۆ 160سم درێژ بوو.
نەشتەرگەری و گۆڕانکاری ژیانی ئەم خانمە لە تۆڕە کۆمەڵایەتییەکان دەنگی داوەتەوە و ئەو ئێستا ڤیدیۆکانی خۆی پێش و دوای نەشتەرگەریی بڵاودەکاتەوە و خۆشحاڵی خۆی بە چارەسەربوون و رزگاربوونی لەو دۆخە دەردەبڕێت.