لە رووداوێکی هاتوچۆدا سێ ئۆتۆمبێل زیانیان بەرکەوت و برینداریش هەیە

964+

ژووری هەواڵ

کەمێک پێش ئێستا لەسەر شەقامی 30 مەتری هەولێر ئۆتۆمبێلێک دوو ئۆتۆمبێلی تر دەشێڵێت و برینداری لێکەوتەوە.

لەو دیمەنانەی کە پەیامنێری 964 ناردوویەتی دەردەکەوێت یەکێک لە ئۆتۆمبێلەکان کە کیایەکی قەمەرەی سپییە لەسەر پشت کەوتووە و ژنێک و کەسێکی دیکەی تیادا بووە و رەوانەی نەخۆشخانە کراون.

بە پێی قسەی شایەتحاڵەکان ئەو ژنەی لە ئۆتۆمبێلێکیاندا بووە دوو گیان بووە و رەوانەی فریاکەوتن کراوە.

لە ناو ئەو سێ ئۆتۆمبێلەی کە رووداوەکەیان کردووە چوار کەس بریندار بوون و رەوانەی نەخۆشخانە کراون.

رووداوەکە بە دیاری کراوی لە نزیک ئامادەیی جمهوری  و نزیک ترافیکلایتی هەولێر مۆڵ بووە.