کارگەکانی ئاشی ئاو دەستیان بە کارکردن کردەوە

964+

هیڤی دێوالی – دهۆک

لەگەڵ تەواوبوونی وەرزی ئاودێریی جوتیاران نۆبەی کرانەوەی کارگەکانی ئاشی ئاوە لە ئامێدی. لە سنوورەکە 29 کارگەی ئاشی ئاو هەن و وردە وردە دەکرێنەوە.

ئەو ئاشانە ساڵانە چوار مانگی وەرزی گەرما و کاتی ئاودێریی جوتیاران دادەخرێن.

سلێمان ئامێدی، خاوەنی کارگەی ئاشی ئاوە و بە 964ـی وت، “دوو رۆژە کارگەی ئاوەکەمان کراوەیە، تا ئێستاش هیچ کارگەیەکی تر نەکراوەتەوە، وردە وردە دەکرێنەوە”.

وتیشی، “لە مانگی 10 تا کۆتایی مانگی پێنج و دەستپێکی گەرما ئاشەکەمان ئیش دەکات”.

زۆرینەی کارگەکان تەحین بە کونجی بەرهەم دەهێنن، رۆژانە 200 تا 250 کیلۆ بەرهەم دەهێنن و خواستێکی زۆری لەسەرە و کیلۆی 10 هەزار دینار دەکات.

قەزای ئامێدی بەناوبانگە بە تەحین و هەناردەی دەرەوەی وڵاتیش دەکرێت.

كه‌مئاوى جوتیارانى ئامێدی ناچاركرد زیاتر كونجی بچێنن

پێداچوونەوە: پێشەوا محەمەد