داوای خزمەتگوزاری و دروستکردنی تاسە دەکەن
لەبەردەم بەشە ناوخۆیی شەهید شەوکەت خۆپیشاندانە
964+
ئەحمەد شەمزین
ئێستا لەبەردەم بەشە ناوخۆیی شەهید شەوکەت لە هەولێر خوێندکاران گردبوونەتەوە و خۆپیشاندان دەکەن.
خوێندکارەکان داوا دەکەن تاسە لەسەر شەقامەکە دروستبکرێت بۆ ئەوەی مەترسی لەسەر ژیانیان دروست نەبێت.
بەشێکی تری داواکاری خوێندکارەکان داواکاردنی خزمەتگوزاری و کارەبا و دابینکردنی ئاوی گەرمە لە بەشە ناوخۆییەکەیان.
یەکێک لە خوێندکارەکان بە 964ێـی وت، ئێوارەی ئەمڕۆ هاوڕێیەکیان لە کاتی پەڕینەوە لە شەقامەکە کە بۆ شت کڕین رۆشتووە ئۆتۆمبێل لێیداوە و ئێستا لە نەخۆشخانەیە.
پەیامنێری 964 زانیاری ئەوەی وەرگرتووە کە ئەو خوێندکارەی ئۆتۆمبێل لێیداوە ئێستا لە نەخۆشخانەی رۆژئاوای هەولێرە و لەژێر چارەسەری پزیشکیدایە.
پێداچوونەوە: توانا نەقی
