کچانی نیپاڵی جەژنی خۆیان لە سلێمانی سازکرد

964+
دیلان محەمەد جەزا

لە سلێمانی، ئاهەنگێک بۆ کچانی نیپاڵی رێکخراوە، کە لە ماڵ یان کۆمپانیاکانی کەرتی تایبەت کاردەکەن، ئەمڕۆ جەژنی کچانی نیپاڵییە ئەوانیش هەڵدەپەڕن و سەما دەکەن.

بەشێکیان هەشت ساڵ و زیاتر یان کەمتر لە ساڵێکە هاتوونەتە هەرێمی کوردستان، جیاواز لەوەی فێری زمانی کوردی بوون، هاوکات دەستاویان لەگەڵ دروستکردنی خواردنی کوردی راهێناوە، هەروەک لە وەڵامی پرسیاری پەیامنێرماندا دەڵێن، “دەتوانن یاپراخ و کەباب” دروستبکەن.

بە گوێرەی ئامارێکی کرێکارانی بیانی بێت لە سلێمانی، لە سنوری پارێزگاکەدا زیاتر لە شەش هەزار کرێکاری بیانی لە هەردوو رەگەزی نێر و مێ، لە کەرتی تایبەت یان لەناو ماڵاندا کاردەکەن.

پێداچوونەوە: ئەحمەد مستەفا