دوو وەزارەتی هەرێم پێکەوە خول بۆ منداڵان دەکەنەوە

964+

پێشەوا محەمەد

وەزارەتی کاروباری کۆمەڵایەتی 27 سەنتەری تایبەت بە منداڵانی هەیە و بە هەماهەنگی لەگەڵ وەزارەتی پەروەردە بەکاریان دەهێنن.

سەنتەرەکان لە پارێزگا و ئیدارە سەربەخۆکان کراونەتەوە و خولیان تێدا دەکرێتەوە.

ئارتان ئەحمەد، وتەبێژی وەزارەتی کار و کاروباری کۆمەڵایەتی بە 964ـی راگەیاند، لەو سەنتەرانەدا بە هاوکاری قوتابخانەکان دەورەیان تێدا دەکرێتەوە و منداڵان فێری ئەو کار و پیشەکانە دەکرێن کە وەزارەتی کار و پەروەردە بە گونجاویان دەزانن.

وتیشی، “ئەمساڵ بۆ ئیشکردن لە سەنتەرەکاندا هەماهەنگی تەواو لەگەڵ وەزارەتی پەروەردە کراوە”.