سەربازێکی فەرنسا کە ئاڵای وڵاتەکەی لەسەر قۆڵییەتی. فۆتۆ: رۆیتەرز
فەرەنسا کوژرانی سەربازێکی وڵاتەکەی لە عێراق راگەیاند
964+
هاوبەش ئەبوبەکر
کۆشکی سەرۆکایەتیی کۆماری فەرەنسا کە بە ئیلیزێ ناسراوە، کوژرانی سەربازێکی وڵاتەکەی لە ئۆپەراسیۆنێکی دژی تیرۆردا لە عێراق راگەیاند.
ئەمڕۆ سێشەممە 29.8.2023، ئیلیزێ راگەیەندراوێکی بڵاوکردەوە و دەڵێت، ئەفسەر نیکۆلاس مازیێر، ئەندامی هێزی کۆمۆندۆی پەڕەشوتوان، دوێنێ دووشەممە لە عێراق لە کاتی ئۆپەراسیۆنێکی دژی تیرۆردا کوژراوە.
ئیلیزێ دەشڵێت، “ئیمانوێل ماکرۆن سەرۆککۆماری فەڕەنسا دووپات لە ئیرادەی فەرەنسا لە بەرەنگاربوونەوەی تیرۆر لە پاڵ عێراقدا دەکاتەوە”.